مسٹر بیسٹ نے ایکس پر صرف ایک ویڈیو سے تقریباً سات کروڑ روپے کیسے کمائے؟

 مسٹر بیسٹ جن کا اصل نام جمی ڈونلڈسن ہے نے اس سے قبل کہا تھا کہ ’اربوں ویوز‘ بھی اتنا فائدہ نہیں دیں گے کہ وہ ایکس پر ویڈیوز پوسٹ کرنے پر مجبور ہوں

آج کل دُنیا بھر میں ہی ایک نیا ٹرینڈ سامنے آ رہا ہے اور وہ یہ کہ گھر بیٹھے کیسے زیادہ سے زیادہ پیسے کمائے جائیں۔ مختلف لوگ آن لائن کام کرنے کے طریقے اور راستے ڈھونڈنے کی کوشش کر رہے ہیں۔

ایسے میں دنیا کے مقبول ترین یوٹیوبر مسٹر بیسٹ نے حال ہی میں انکشاف کیا ہے کہ انھوں نے ایکس (سابق ٹوئٹر) پر ایک ویڈیو پوسٹ کر کے ڈھائی لاکھ ڈالر یعنی لگ بھگ سات کروڑ پاکستانی روپے کمائے ہیں۔

تو اگر یہ سوچا جائے کے سات کروڑ پاکستانی روپوں میں کیا آ سکتا ہے تو جناب ایک اچھی ویڈیو کی مدد سے ایک عالیشان گھر، زبردست نئے ماڈل کی گاڑی اور بہت کُچھ

تجزیہ کاروں کا کہنا ہے کہ مسٹر بیسٹ کی بڑے پیمانے پر پروفائل اتنے زیادہ ویوز کی وجہ بنی اور کسی عام آدمی کے لیے اتنے اعداد و شمار خاصے مشکل ہوں گے