تیندوے کی ہلاکت، لاش عدالت میں پیش

مردہ تیندوے کی عدالت میں حاضری

محکمۂ جنگلی حیات نے تحفظ جنگلی حیات ایکٹ 2020 کے تحت تیندوے کے غیر قانونی شکار کا مقدمہ قادر بخش اور غلام حسین نامی مقامی لوگوں سمیت پانچ افراد کے خلاف دائر کیا ہے۔

مقدمے میں مدعی ’گیم واچر‘ نے بتایا ہے کہ مذکورہ ملزمان نے ایک نر چیتے کا شکار کیا اور جب ان کی ٹیم موقع پر پہنچی تو ملزمان مجمعے کا فائدہ اٹھاتے ہوئے فرار ہو گئے۔‘

مردہ تیندوا کوٹڑی میں ایڈیشنل سیشن جج کی عدالت میں پیش کیا گیا جہاں محکمۂ جنگلی حیات کے حکام نے عدالت کو واقعے کے بارے تفصیلات بتائیں۔ عدالت نے 14 روز کے اندر ملزمان کی گرفتاری اور واقعے کی وجوہات کی تحقیقات کرنے کا حکم دیا ہے۔

محکمۂ جنگلی حیات کے حکام کا ماننا ہے کہ گذشتہ چند سال سے کیرتھر پر اچھی بارشیں ہوئی ہیں جس سے وافر مقدار میں شکار دستیاب ہے اس لیے تیندوے جیسے جانور سامنے آ رہے ہیں۔

پاکستان میں تیندوؤں کی چار اقسام پائی جاتی ہیں جن میں ہمالین اور پرشیئن نسل کے تیندوے شامل ہیں۔ ماحول کی بقا کے لیے کام کرنے والے ادارے آئی یو سی این کی معدوم ہونے والے چرند پرند کی فہرست میں یہ تیندوے بھی شامل ہیں۔

ٹی ٹوئنٹی ورلڈ کپ کیلئے کھلاڑیوں کی نشاندہی کرلی، شاہین آفریدی

 پاکستان کی ٹی20 کرکٹ ٹیم کے کپتان شاہین آفریدی نے کہا ہے کہ اس سال جون میں امریکا اور ویسٹ انڈیز میں مشترکہ طور پر ہونے والے ٹی ٹوئنٹی ورلڈ کپ کےلیے 16 سے 20 کھلاڑیوں کی نشاندہی کرلی ہے۔

شاہین آفریدی نے کہا کہ حسیب اللّٰہ، عباس آفریدی اور صائم ایوب کرکٹ میں پاکستان کا مستقبل ہیں۔

انہوں نے مزید کہا کہ نیوزی لینڈ کے خلاف ابتدائی 4 میچوں میں پاکستان کی بیٹنگ نہیں چل سکی اور فیلڈنگ بھی اچھی نہیں ہوئی لیکن پانچویں ٹی ٹوئنٹی میں پاکستانی ٹیم متحد ہو کر کھیلی اور کامیابی حاصل کی جو ضروری تھا۔

قومی ٹی20 ٹیم کے کپتان نے کہا کہ نیوزی لینڈ کے خلاف صائم ایوب توقع کے مطابق کارکردگی پیش نہیں کرسکا لیکن اُس میں پاکستان کیلئے شاندار کارکردگی دکھانے کی صلاحیت موجود ہے

مشہور کالم نگار، تجزیہ کار، نقاد اور صحافی حسن نثار نے طلاق کو ’بھیانک‘ قرار دے دیا

 حسن نثار نے اپنے یو ٹیوب چینل پر سوال جواب کے سیشن کے دوران کہا کہ طلاق اس وقت بھیانک ہوتی ہے جب جوڑا صاحب اولاد ہو۔

حسن نثار سے ان کے فالوورز کی جانب سے مشہور اسپورٹس جوڑی (ثانیہ مرزا اور شعیب ملک) کے درمیان طلاق پر تبصرہ کرنے پر اصرار کیا گیا۔

حسن نثار نے دونوں کی نجی زندگی پر تبصرے سے پرہیز کرتے ہوئے کہا کہ طلاق ہمارے مذہب میں ایک ناپسندیدہ چیز ہے مگر حلال ہے تو اس لیے میں اسے غلط نہیں کہوں گا مگر ایسے شادی شدہ جوڑوں کے درمیان جب طلاق ہوتی ہے جن کی اولاد ہو تو ایسے میں والدین کے درمیان کچھ بھی ہوا ہو اس کے گنہگار بچے تو نہیں ہوتے لیکن سزا ان کو ملتی ہے۔

سلمان خان کی کینسر کو شکست دینے والے کمسن بچے سے ملاقات

 حال ہی میں سلمان خان نے کینسر کو شکست دینے والے ایک بہادر بچے جگن بیر سے ملاقات کی جس نے صرف چار برس کی عمر میں 2018 میں کیمو تھراپی کے 9 سیشن میں کینسر کے موذی مرض کو شکست دی، اب اس بچے کی عمر نو برس ہے۔

اس مشکل صورتحال میں سلمان خان نے بچے سے ملے جس نے انکا چ بریسلیٹ چھو کر انکی موجودگی محسوس کی۔ اس طرح انہوں نے بچے پر ایک خوشگوار اور حوصلہ افزا تاثر چھوڑا تھا۔ 

اس دوران سلمان نے بچے کی حوصلہ افزائی کے لیے وعدہ کیا تھا کہ وہ اسکے علاج کے بعد دوبارہ ملیں گے۔ گزشتہ برس جگن بیر کے کینسر کا کامیاب علاج مکمل ہوا اور دسمبر  2023 میں سلمان نے بچے سے اپنی باندرہ میں واقع رہائش گاہ پر ملاقات کرکے اپنے وعدے کی تکمیل کی۔  

موبائل کا استعمال ترک کرنے پر 10 ہزار ڈالر کا انعام

 موبائل فون کا استعمال ترک کریں اور 10 ہزار ڈالر کا بھاری انعام حاصل کریں

غیر ملکی میڈیا کی رپورٹ کے مطابق سگیز ڈیری نامی کمپنی نے ڈیجیٹ ڈیٹوکس پروگرام کے انعقاد کا اعلان کیا۔ 

کمپنی کا کہنا ہے کہ جو شخص ایک ماہ تک اپنے موبائل فون کا استعمال ترک کردے تو اسے 10 ہزار ڈالر کا انعام دیا جائے گا۔

اس کمپنی کے مطابق پروگرام میں شرکت کے خواہشمند اپنی درخواست آن لائن دیں گے جبکہ ان میں سے 10 امیدواروں کا انتخاب کیا جائے گا جو موبائل کا استعمال ترک کر کے ایک ماہ تک اس کے بغیر رہیں گے۔   

کمپنی کا اپنے بیان میں کہنا ہے کہ "ہم کم خلفشار کے ساتھ سادہ زندگی گزارنے کی طاقت پر یقین رکھتے ہیں۔ آج ہماری زندگی میں سب سے بڑا خلفشار ہمارا فون ہے۔ درحقیقت، اوسط فرد ہر روز اپنے فون پر 5.4 گھنٹے گزارتا ہے

آن لائن رومانس کا جھانسہ

سپین کی پولیس تین معمر بہن بھائیوں کے قتل کے حالات اور ایک آن لائن رومانوی سکینڈل سے اس واردات کے تعلق کی تحقیقات کر رہی ہے۔

سول گارڈ نے اس معاملے میں ایک پاکستانی نژاد 42 سالہ شخص کو گرفتار کیا ہے جس کی شناخت دلاور حسین ایف سی کے نام سے ہوئی ہے۔

حکام کے مطابق مشتبہ شخص نے خود کو قانون کے حوالے کر دیا اور قتل کا اعتراف بھی کیا۔

گذشتہ ہفتے 67 سالہ ایمیلیا، 74 سالہ اینجلیس اور 77 سالہ جوس گوٹیریز ایوسو کی لاشیں ان کے گھر سے ملی تھیں۔ ان کی لاشیں جزوی طور پر جلی ہوئی تھیں

ان بہن بھائیوں کے ایک دوست نے بتایا کہ ان خواتین کو اپنے بوائے فرینڈز کی جانب سے رقم بھیجنے کے اصرار پر میڈرڈ میں اپنی جائیداد تک فروخت کرنی پڑی۔

انھوں نے یہ بھی کہا کہ رقم کے لیے ان کی درخواستوں کے بعد ان کے بینک نے انھیں ممکنہ دھوکے کے حوالے سے متنبہ کیا تھا۔

انھوں نے کہا کہ ’ہم نے ان سے کہا کہ یہ سب جھوٹ ہے، یہ دھوکہ ہے لیکن وہ دھوکے کا لفظ نہیں سننا چاہتی تھیں۔‘

انھوں ۔نے مزید کہا کہ ’اینجلیس ایک استانی تھی اور ایمیلیا بھی تعلیم یافتہ تھیں۔ وہ احمق نہیں تھیں۔ وہ عام افراد تھیں جنھیں محبت ہو گئی تھی

۔

خوشی کے موقع پر کچھ میٹھا ضرور کھائیں

 دہلی میں رہنے والی 15 سالہ ریا (فرضی نام) پگمنٹیشن (یعنی گردن، بغلوں اور انگلیوں کے جوڑوں کی جلد پر سیاہ رنگ کے نشان) کے مسئلے کا شکار تھیں۔

ڈرماٹولوجسٹ یعنی جلد کی امراض کے ماہر ڈاکٹر نے انھیں ایک دوسرے متعلقہ ڈاکٹر کے پاس بھیج دیا اور جب ریا کا معائنہ کیا گیا تو ان کے خون میں نہار منہ یعنی خالی پیٹ شوگر کی سطح 115 اور ناشتے کرنے کے بعد 180 پائی گئی۔

ڈاکٹروں کے مطابق خالی پیٹ خون میں شوگر کا 100 تک اور ناشتے کے بعد 140 تک ہونا نارمل سمجھا جاتا ہے

کتنا میٹھا کھانا چاہیے

ورلڈ اوبیسٹی اٹلس کی سال 2023 کی ایک رپورٹ کے مطابق 2035 تک دنیا میں 51 فیصد یا چار ارب افراد زیادہ وزن یا موٹاپے کا شکار ہوں گے۔

اس کے ساتھ ساتھ بچوں میں موٹاپا دوگنی شرح سے بڑھ جائے گا۔ رپورٹ کے مطابق لڑکیوں میں موٹاپے کی شرح لڑکوں کے مقابلے دگنی سے بھی زیادہ ہوگی۔

امریکن ہارٹ ایسوسی ایشن کے مطابق، ایک آدمی کو روزانہ 36 گرام یا 150 کیلوریز سے زیادہ چینی نہیں کھانی چاہیے۔

اس کے ساتھ ساتھ خواتین کو 25 گرام یا 100 کیلوریز سے زیادہ چینی نہیں لینی چاہیے۔